صدر زرداری اور گورنر پنجاب کی قیادت میں پیپلزپارٹی اٹک کے رہنماؤں سے ملاقات
صدر زرداری اور گورنر پنجاب کی قیادت میں پیپلزپارٹی اٹک کے رہنماؤں سے ملاقات
**لاہور: گورنر ہاؤس لاہور میں صدر مملکت آصف علی زرداری سے گورنر پنجاب سردار سلیم حیدر خان کی قیادت میں پیپلزپارٹی اٹک کی تنظیم اور ٹکٹ ہولڈرز کی ملاقات ہوئی۔ اس موقع پر صدر زرداری نے اپنے خطاب میں کہا کہ پاکستان کی بقاء ہی تمام سیاسی جماعتوں کی بقاء ہے۔ انہوں نے پاک بھارت کشیدگی کے حوالے سے کہا کہ پیپلزپارٹی سمیت تمام سیاسی جماعتیں اپنی افواج کے شانہ بشانہ کھڑی رہیں، جس کی وجہ سے بھارت کو منہ کی کھانی پڑی۔
صدر مملکت نے مزید کہا کہ پیپلزپارٹی نے ہمیشہ ملک اور جمہوریت کی خاطر قربانیاں دی ہیں۔ انہوں نے زور دے کر کہا کہ یہ جماعت مزدوروں، محنت کشوں، سرکاری ملازمین اور پسے ہوئے طبقے کی نمائندہ ہے۔ گورنر پنجاب سردار سلیم حیدر خان نے اپنے بیان میں کہا کہ بلاول بھٹو زرداری عوامی مینڈیٹ کی بدولت ملک کے اگلے نوجوان وزیراعظم ہوں گے۔
صدر آصف علی زرداری نے کہا کہ پیپلزپارٹی پنجاب میں متحرک اور فعال ہو چکی ہے۔ اس موقع پر اٹک کی تنظیم نے صدر زرداری کو اٹک کے دورے کی دعوت بھی دی، جس پر انہوں نے مثبت ردعمل ظاہر کیا۔
۔
No comments yet.