مظفرگڑھ میں پاکستان پیپلز پارٹی کے مرکزی سیکرٹری اطلاعات ندیم افضل چن اور پی پی پی ڈیجیٹل میڈیا ہیڈ ممبر قومی اسمبلی سید علی قاسم گیلانی نے پی پی پی وسیب کے سیکرٹری اطلاعات اور ممبر قومی اسمبلی نوابزادہ افتخار خان کی رہائش گاہ پر منعقدہ اجلاس میں شرکت کی۔ اس موقع پر پی پی پی وسیب کے ڈویژنل اور ضلعی سیکرٹری اطلاعات کے علاوہ ڈیجیٹل میڈیا ہیڈز بھی موجود رہے۔  

اجلاس کے دوران شرکاء نے پارٹی کو میڈیا پلیٹ فارمز پر زیادہ مؤثر طریقے سے پیش کرنے کے حوالے سے اہم تجاویز پیش کیں اور میڈیا کی جدید حکمتِ عملی پر تفصیلی تبادلہ خیال کیا گیا۔ اس موقع پر سابق وفاقی وزیر مہرارشاد احمد سیال اور سابق ایم پی اے عائشہ نواز چوہدری بھی موجود تھیں۔  

پی پی پی کے سینئر نائب صدر جنوبی پنجاب خواجہ رضوان عالم، ڈویژنل صدر ڈیرہ غازی خان آصف دستی، جنرل سیکرٹری سٹی ملتان راؤ ساجد، ملک اسد ڈُمرہ، عبداللّٰہ شاہ مشہدی، مدثر ستار، وسیم ریاض بھٹہ اور دیگر معروف کارکنان نے بھی اجلاس میں شرکت کی اور پارٹی کی میڈیا پالیسی کو مضبوط بنانے پر زور دیا۔ یہ اجلاس پی پی پی کی وسیب میں میڈیا کے کردار کو بہتر بنانے کے عزم کا واضح اظہار تھا۔