آج ہم ایک عظیم قائد مسلم امہ کی پہلی خاتون لیڈر، دختر مشرق شہید محترمہ بینظیر بھٹو صاحبہ کی یومِ پیدائش منا رہے ہیں جس نے پاکستان کی تاریخ میں جمہوریت، مساوات اور انصاف کی شمع روشن کی۔  ہم بینظیر بھٹو کی لازوال قربانیوں اور جمہوریت کے لیے ان کی جدوجہد کو سلام پیش کرتے ہیں۔

بینظیر بھٹو نے ہر دور میں پاکستان کے کمزور طبقات خواتین، مزدور، اقلیتوں اور غریب عوام کی نمائندگی کی۔ ان کا مشن "روٹی، کپڑا اور مکان" صرف ایک نعرہ نہیں تھا، بلکہ ایک عملی جدوجہد تھی جس نے معاشرتی انصاف کی بنیاد رکھی ۔  

• جلاوطنی سے واپسی پر فوجی آمریت کے خلاف تاریخی تحریک چلائی۔  

• پہلی مسلم خاتون وزیرِ اعظم بن کر اسلامی دنیا میں تاریخ رقم کی ۔  

•دوسری بار حکومت بناتے ہوئے صوبائی خودمختاری اور اقلیتوں کے حقوق کو آئینی تحفظ دیا ۔  
  
بینظیر نے دو بار جلاوطنی برداشت کی، اپنے والد (ذوالفقار علی بھٹو) اور بھائیوں (شاہنواز اور مرتضیٰ بھٹو) کی شہادت دیکھی، مگر جمہوریت کی راہ سے قدم نہ ہٹائے۔ ۲۷ دسمبر ۲۰۰۷ء کو راولپنڈی میں دہشت گردوں کے ہاتھوں شہادت تک ان کا سفر جاری رہا ۔  
 
بینظیر بھٹو نے ہمیشہ قانون کی بالادستی پر زور دیا۔ 

 خواتین کے تحفظ کیلئے قانونی امداد، مفت عدالتی مشاورت اور اقلیتوں کے خلاف امتیازی قوانین کی مخالفت ۔  

بینظیر بھٹو نے ظلم کے خلاف آواز اٹھانے کا درس دیا۔ آج ہماری ذمہ داری ہے کہ ہم ان کے مشن کو زندہ رکھیں۔

بینظیر بھٹو کی زندگی ہمیں سکھاتی ہے کہ جمہوریت کو بچانے کیلئے ہر دور میں جدوجہد ضروری ہے۔ عوامی وکلا فورم ان کے مشن کو عدالتی، سماجی اور آئینی محاذ پر جاری رکھے گا۔