سابق ایم پی اے اور پی پی پی کی صوبائی رہنما ثانیہ کامران نے آج مادرِجمہوریت  بیگم نصرت بھٹو کو ان کے ۹۶ویں یوم پیدائش کے موقع پر خراج عقیدت پیش کیا۔ اپنے پیغام میں، ثانیہ کامران نے بیگم نصرت بھٹو کو "ہمدردی، صبر اور حوصلے کا استعارہ" قرار دیا جنہوں نے پاکستان کی جمہوریت اور اس کے عوام کی خاطر قربانی دینے سے کبھی دریغ نہیں کیا۔

بیگم نصرت بھٹو کی غیر معمولی میراث کی عکاسی کرتے ہوئے، ثانیہ کامران نے کہا، "مادرِ جمہوریت ایک وژنری رہنما تھی جس نے پاکستان کے عوام کے سیاسی اور جمہوری حقوق کی بحالی کے لیے ایک ڈکٹیٹر کے خلاف تاریخی تحریک کی قیادت کی۔ شہید ذوالفقار علی بھٹو کے عدالتی قتل کے بعد بھی، جب تک ان کی صحت نے اجازت دی وہ عوامی حقوق کے لیے جدوجہد کرتی رہیں اور جمہوریت  کی بالادستی کیلئے ایک دن بھی خاموش نہیں رہیں۔"

انہوں نے مزید کہا کہ مادرجمہوریت کی اقدار اور جدوجہد ہر ایک کی رہنمائی کیلئے مشعل راہ ہیں، یہ اس بات کو یقینی بناتی ہے کہ ان کی میراث ہمارے دلوں اور تاریخ میں ہمیشہ زندہ رہے گی۔ ثانیہ کامران نے اس عزم کا بھی اظہار کیا کہ عوامی حقوق کی جدوجہد اسی جرات، عزم اور آزادی کے ساتھ چیئرمین پی پی پی بلاول بھٹو زرداری اور صدر آصف علی زرداری کی وژنری قیادت میں جاری رہے گی۔