گورنر پنجاب کا پیپلز پارٹی کے رہنما میاں منظور احمد مانیکا کے گھر خصوصی آمد

Editor

ایک سال قبل

گورنر پنجاب کا پیپلز پارٹی کے رہنما میاں منظور احمد

مانیکا کے گھر خصوصی آمد

لاہور (4 مئی 2025)۔ گورنر پنجاب نے پیپلز پارٹی کے سینئر رہنما میاں منظور احمد مانیکا کے گھر خصوصی دورہ کیا، جہاں انہوں نے مانیکا خاندان کی جماعت کے لیے گراں قدر خدمات کا اعتراف کرتے ہوئے خراج تحسین پیش کیا۔ اس موقع پر گورنر پنجاب نے کہا کہ میاں منظور مانیکا اور ان کے خاندان نے پیپلز پارٹی کے اصولوں اور عوامی خدمت کے مشن کو فروغ دینے میں کلیدی کردار ادا کیا ہے۔

انہوں نے پاکپتن میں کسان تحریک کو منظم کرنے اور ضلع بھر میں پارٹی کی تنظیم سازی کے لیے کی گئی کوششوں کو سراہتے ہوئے کہا کہ یہ خدمات جمہوری عمل کو مضبوط بنانے میں سنگ میل ثابت ہوئی ہیں۔ گورنر نے خصوصی طور پر بشری منظور مانیکا کی انتھک محنت کو بھی خراج تحسین پیش کیا۔

ادھر، پیپلز پارٹی کے رہنما سردار سلیم حیدر نے بھی مانیکا خاندان کے پاکپتن کی سیاست میں نمایاں مقام کو اجاگر کیا۔ ان کا کہنا تھا کہ مانیکا خاندان نے نہ صرف علاقائی سطح پر بلکہ صوبائی سیاسی منظرنامے میں بھی اپنی شناخت بنائی ہے۔ ان کی قیادت اور عوامی رابطہ نے پیپلز پارٹی کی مقبولیت کو نئی بلندیوں تک پہنچایا ہے۔

اس ملاقات کے دوران ضلعی تنظیم سازی اور مستقبل کی سیاسی حکمت عملی پر بھی جامع مشاورت ہوئی، جبکہ پارٹی کارکنان نے بھی مانیکا خاندان کی خدمات کو عوامی مفاد کے لیے ایک مثال قرار دیا۔

Comments

No comments yet.

سب سے زیادہ پڑھا